قصيدة: ياحروف الاخطاء ماله ذنب حرف الألف

للشاعر سعد علوش

ياحروف الاخطاء ماله ذنب حرف الألف
ماهو بذنب الكبير يشيل ذنب الصغير

هذا أنا الجالس اللي يوم كلن وقف
في درب الاشباه لاسير ولا احث المسير

ياسيد الناس لك في كل شارع طرف
من قالك كون شاسع نور وشاسع عبير

تحبك الأرض لو الأرض ماتعترف
وأنا ولد الأرض وأحبك أحبك كثير

ماطار الأنسان من نفسه ولاقد عرف
إلا أنت من يعرفك يعرف بعدها يطير

ياعودك السايل من الشمع فوق الخزف
باطرافه النار واللا نار والزمهرير

مهما تمر الحياة وتختلف وأختلف
أبقى معك ثابت النية وواضح مصير

من بعدك البعد يضحك لي غياب وترف
وأنا مع القبو أحد يبكي واحد يستخير

كم وجه وكم وجه من حفظ العيون أنحذف
وكم وجه من كثر ما أتخيله صار غير

بتصدق أن ودي أن أنام نومة كهف
ودي أنام وأقوم والقى هالدنيا غير

ما أصعب العمر لمن صار فالمنتصف
لابه جهالة صغير ولا وقارة كبير

أوازن الفعل بين الشكر ولا الأسف
وأقول في نفسي اعمل خير وتلاقي خير

وأرتب أمالي الكبرى فبند الصدف
من واعد الغيم يحتاج لأحاسيس طير

وآجل أشغالي لبكره أبصنع شغف
ياشين الأنسان لمن وصل للأخير