قصيدة: يا أصحابنا مكثرين الضرب والطعنا
للشاعر ناصر بن منقرة البلوي
“
يا أصحابنا مكثرين الضرب والطعنا
وش حالكم؟ طيبين؟ الله يمنعكم
ما ودّنا نمعني اللي مالها معنى
من شان ما ودّنا فيها نقاطعكم
الله هو اللي رزقنا في طبايعنا
يوم إن ربي بلاكم في طبايعكم
وبصماتنا اللي نميزها باصابعنا
وانتم صناديقكم تعرف ودايعكم
وصدوركم كانها ماعاد توسعنا
ماظنّ به دار توسعنا وتوسعكم
النفس ياناس شيٍ من مزارعنا
واللي دفنتوه فيها يندفن معكم
إن زانت النفس نص الزاد يشبعنا
وانتم من الشك حتى الضحك يوجعكم
حنا استحينا حيا صدق وترفّعنا
عن حاجةٍ زوّدت فينا مطامعكم
والله يالولا السلوم الي تجمعنا
إنا على جالها الأقصى نرجعكم