قصيدة: بودابست
للشاعر محمد بن الذيب
“
أنا في أوروبا كل ليلة ولي يِمّه
عسى الله لا ياكلني على نية فؤادي
بودابست هذا العام صاير بها زمّه
مع انها رقيقة ناس واحساسها هادي
لها موسم شتوي ثقيل علي دمّه
الين احكرك يا ردليبل فبرّادي
واخمك ولاني قايل لخمّه الخمه
بثنّيك وثلّثك وا ليلك البادي
صحيح الولد لأبيه والعبد من عمّه
والأجواد مجبولة على سلم الأجوادي
غدى بارد الهمّه مثل حامي الهمه
ليا قيل لي عادي لا بالله ماهوب عادي
يا راشد ولد هزاع مازالت الذمّه
على هقوتك والضيقه فوجه حسادي
الأحباب تبغى الوصل والشوق واللمة
مثل مالأمور الكايدة تبغي قيادي
يضحكّني اللي يحسب انه زعيم أُمه
لو اسمه على الشاشات يبث في الرّادي
يصلي بمحراب الأئمة بشال امه
وليا راح للمرقص لبس بردة الهادي
يقولون هام في كل وادي معا هّمه
وانا اقول هذا مجد ذاخره لاحفادي
أنا اللي معاي الوادي يهيم في القمة
تعدّيت مرحلة اني اهيم في الوادي