قصيدة: يا ماجد سروري سرقة وضحكتي تسليك
للشاعر هادي بن مانع
“
ياماجد سروري سرقة وضحكتي تسليك
عقب مالقيتك واعي وفكرك مغيب
افا…ليه تترك شلة السوء ترثع فيك
وبعد بكرة أحصلك محذوف ومنيب
يسوقك ماعنده فيك ويبيعك ويشريك
حصينن على غرات الاجواد متذيب
أبا عاتبك وابكيك واعاتبك وابكيك
لون منت ابن عمي ولا مني قريب
خذتك المهالك من يدي وين بتوديك
ياوجدي على هقواتك وراسك الطيب
يقولون لي خله وانا عهد ماخليك
لون المسافة دربها وحش ومهيب
انا الصاحب اللي ذاخره في يدينك شيك
إلا بار فيك الصاحب الساحب الخيّب
طلبتك بوجه الله وامك ووجه ابيك
وعساني ما اعود من على بابك مخيب
هذا الدرب لاكملت في سكته ينهيك
عذابٍ على الفاضي وتدمير ومعيّب
خاف الله فامٍ كل ليلةً وهي ترجيك
ولا ترخص دموع اللي على المرجلة شيب
كلتني دموعي كنّي مفارقك وارثيك
ماخليت علمٍ من ورا صدري مسيّب
يا ماجد مايصلح جعلني ما اتبدل فيك
ياوجدي على هقواتك وراسك الطيب