قصيدة: وجدي على الطيّب ليا قلّ ماله
للشاعر هادي بن مانع
“
لقيت غالي عن باب البقالة
نشدت عن حاله وعاتبني وقال
من باب تقدير الخوي والزمالة
لا عاد تنشدني عن الحال والحال
حالة عقيمٍ كل ماسجّ باله
لقاه ملقوف ونشد: عندك عيال؟
بغى يعشيني ونزّل عقاله
وانا أدري إن ما وسط صرافه ريال
عطيته أعذاري وريحت باله
ولا هدى لي من بعد شوفته بال
وجدي على الطيّب ليا قلّ ماله
وشفته يعبي الموتر بعشرة ريال