قصيدة: جعل السحاب اللي معه برق ورعود
للشاعر خلف بن هذال
“
جعل السحاب اللي معه برق ورعود
يمطر على دارٍ وليفي سكنها
يسقي وطن منتوقة العنق يا سعود
مالي وطن بالعارض إلا وطنها
قلبي غدا واستيسره ليّن العود
محدٍ يفك القلب يا سعود منها
ساطي وفي كفه قديحة وبارود
وأدخل يده بين الضلوع ودفنها
بيني وبينه وصل وأسرار وعهود
مصيونةٍ ماتدري الناس عنها
في كل عام يزود حبه بعد زود
أقفي بروحي والتوى في رسنها
أموت بين الخد وعيونه السود
وحواجبٍ ربي بملحه قرنها
وشعرٍ بدهن المسك والورد مكدود
جديلةٍ تضمني واحتضنها
ليلٍ جمعني به عسى ليت ويعود
يبعد عن النفس الحزينة حزنها