قصيدة: جيتك وأنا ضايق وناقصني فلوس
للشاعر هادي بن مانع
“
يامرحبا والبال ما هو بمانوس
من جيز من سلم بنقبل سلامه
اسمي عزیز وخاطري وسطه حسوس
ودي ولا ودي وأخاف الملامة
ولولا حكي الأذناب ومعاتب الروس
والله لأخليها على اسمك علامة
الوقت شين وحدّه أقوى من الموس
والطيّب الله لا ينزل مقامه
والله العظيم انها على الكبد دبوس
العام يوم إنك جنوب الثمامة
جيتك وأنا ضايق وناقصني فلوس
ورجعت ناقصني فلوس وكرامة